റിഫ്ലക്റ്റീവ് ജേർണൽ-20

അവലോകനം 15

ഇന്ന് എന്റെ ക്ലാസ്സ്‌ നടന്നത് 4മത്തെ പീരിയഡ് ആണ്. പാഠഭാഗത്തിന്റെ അവസാനത്തെ ക്ലാസ്സ്‌ ആയിരുന്നു ഇന്ന് നടന്നത്. പാവങ്ങൾ എന്ന പാഠം പഠിച്ചത് കൊണ്ട് നിങ്ങൾ ജീവിതത്തിൽ എന്തു മൂല്യമാണ് ആ പാഠഭാഗത്തു നിന്നു പകർത്തുക എന്ന് കുട്ടികളോട് ആദ്യം ചോദിച്ചു. ശേഷം ആ പാഠത്തിലെ പ്രധാന ആശയങ്ങളെ ഓരോ പോയിന്റുകൾ ആക്കി കുട്ടികളെ കൊണ്ട് വായിപ്പിച്ചു. പാവങ്ങൾ എന്ന നോവലിനെ കുറിച്ച് ഹുഗോ തന്നെ പറഞ്ഞ കാര്യങ്ങൾ കുട്ടികൾക്ക് പറഞ്ഞു കൊടുത്തു. ശേഷം വിക്ടർ ഹുഗോയെ പരിചയപ്പെടുത്തി അദ്ദേഹത്തിന്റെ പ്രധാന കൃതികളും നോത്രദമിലെ കൂനൻ എന്ന നോവലിനെ കുറിച്ചും പരിചയപ്പെടുത്തി.ശേഷം  നാലപ്പാട്ട് നാരായണ മോനോനെ കുറിച്ചും അദ്ദേഹത്തിന്റെ പ്രധാന കൃതികളെ കുറിച്ചും പറഞ്ഞു കൊടുത്തു.

Peer evaluation

ഇന്നത്തെ ആദ്യ ക്ലാസ്സ്‌  അനുശ്രീ സി  എസ് ആയിരുന്നു എടുത്തത് . കൃത്യം 8 30ന് ക്ലാസ് ആരംഭിച്ചു. ആദ്യമായി കഴിഞ്ഞ ക്ലാസ്സിന്റെ ഓർമ്മപുതുക്കൽ നടത്തി. തുടർ പ്രവർത്തനം  അവതരിപ്പിക്കാൻ കുട്ടികൾക്ക് അവസരം നൽകി. അവതരണങ്ങളെ  വിലയിരുത്തുകയും ചെയ്തു. അഞ്ചാം ദിവസം ആയതിനാൽ തന്നെ സാഹിത്യകാരനെ പരിചയപ്പെടുത്തി. ജോർജ് ഓണക്കൂർ പ്രണയ താഴ്‌വരയിലെ ദേവദാരു എന്ന തന്റെ നോവലിനെ പറ്റി പറഞ്ഞ് ഒരു വീഡിയോ പ്രദർശിപ്പിച്ചു. ഒപ്പം വീഡിയോ പറ്റി വിശദമായി ചർച്ച ചെയ്തു. തുടർന്ന് ജോർജ് ഓണക്കൂർ എന്ന  സാഹിത്യ കാരന്റെ വ്യക്തി ജീവിതത്തെയും കൃതികളെയും പരിചയപ്പെടുത്തി. ഓരോ കൃതികളെയും വിശദമായി പരിചയപ്പെടുത്തി. തുടർന്ന് ചർച്ചകളും നടത്തി. 9 മണിക്ക് ക്ലാസ് അവസാനിപ്പിച്ചു.

നല്ല ക്ലാസ്സ്‌ ആയിരുന്നു അനുശ്രീയുടേത്

 9 മണിമുതൽ  ശരണ്യ ആണ് ക്ലാസ്സ്‌ എടുത്തത്. നഗരത്തിൽ ഒരു യക്ഷൻ എന്ന പാഠഭാഗത്തിലെ അവസാന ദിന ക്ലാസ് ആണ് ഇന്ന് നടന്നത്.സൗഹൃദ സംഭാഷണത്തിലൂടെ ക്ലാസ് ആരംഭിച്ചു. ശേഷം ഡോക്ടർ എം ലീലാവതി,നഗരത്തിൽ ഒരു യക്ഷൻ എന്ന കവിതയെ പറ്റി പറയുന്ന വീഡിയോ കുട്ടികൾക്ക്‌  കാണിച്ചു കൊടുത്തു. തുടർന്ന് നഗരത്തിൽ ഒരു യക്ഷൻ എന്ന പാഠഭാഗത്തിലെ രചയിതാവായ ആറ്റൂർ രവിവർമ്മയെ കുട്ടികൾക്ക്  പരിചയപ്പെടുത്തി. തുടർന്ന് അദ്ദേഹത്തിന്റെ കൃതികളിൽ ഏറ്റവും പ്രാധാന്യമർഹിക്കുന്ന സംക്രമണം, മേഘരൂപൻ എന്നീ കവിതകൾ വിശദമായി കുട്ടികൾക്ക് പറഞ്ഞു നൽകി. തന്റെ കവിതകളെക്കുറിച്ച് ആറ്റൂർ തന്നെ നടത്തുന്ന അഭിപ്രായം കുട്ടികൾക്ക് പരിചയപ്പെടുത്തി കൊടുത്തു. ക്ലാസ്സ് കൃത്യം 9 30 ന് അവസാനിച്ചു.

ഇന്ന് മിനി 9.30യ്ക്കാണ് ക്ലാസ് എടുത്തത്.കഴിഞ്ഞ ദിവസത്തെ ഓർമ്മകൾ പുതുക്കി കൊണ്ടാണ് ക്ലാസ് ആരംഭിച്ചത്. കുഞ്ചൻ നമ്പ്യാരെ കുറിച്ചും അദ്ദേഹത്തിന്റെ പ്രധാനപ്പെട്ട തുള്ളൽ കൃതികളിൽ കുറിച്ചും പരിചയപ്പെടുത്തി. കൂടാതെ കല്യാണസൗഗന്ധികം എന്ന തുള്ളൽ പ്രതി കൂടി പരിചയപ്പെടുത്തി. കുഞ്ചൻ നമ്പ്യാരുടെ സ്മാരകം, അദ്ദേഹത്തിന്റെ കൃതികളുടെ പ്രത്യേകതകൾ തുടങ്ങിയവ അധ്യാപിക കുട്ടികൾക്ക് പറഞ്ഞു കൊടുത്തു. പ്രവീൺ സാർ നിരീക്ഷണത്തിനുണ്ടായിരുന്നു.  10.14നു  മണിക്ക് ക്ലാസ് അവസാനിപ്പിച്ചു.

ഇന്നത്തെ ക്ലാസ് കൊണ്ട് ഞങ്ങളുടെ ഈ സെമിയിലെ ഫെസ്റ്റ് ഫെയ്സ് ഓൺലൈൻ ടീച്ചിങ് ക്ലാസ്സ് അവസാനിക്കുകയായിരുന്നു

റിഫ്ലക്റ്റീവ് ജേർണൽ-19

അവലോകനം 14

 ഫെയ്സ് ടു ഫേസ്  ഓൺലൈൻ ടീച്ചിങ് പ്രാക്ടിസിന്റെ  ഒമ്പതാം ദിവസമായ ഇന്ന് നാലാമത്തെ  പീരിയഡ്  ആണ് ഞാൻ ക്ലാസെടുത്തത്. കഴിഞ്ഞദിവസം കുട്ടികൾ ചോദിച്ച ആരാധനാലയങ്ങളിൽ മെഴുകുതിരി കത്തിക്കൽ പ്രാധാന്യത്തെക്കുറിച്ച് പറഞ്ഞുകൊണ്ടാണ് ക്ലാസ് ആരംഭിച്ചത്. പാവങ്ങൾ എന്ന നോവലിന്റെ പാഠാഭാഗവുമായി ബന്ധപ്പെട്ടുള്ള ഫ്രഞ്ച് സിനിമയായ ലാ മിസ്റബലെ എന്ന സിനിമ.കാണിച്ചു ശേഷം ചലച്ചിത്രത്തെ ആസ്പദമാക്കി ചർച്ച നടത്തി.അതിന് ശേഷം പാഠത്തിനു പാവങ്ങൾ എന്ന തലക്കെട്ടു എത്രത്തോളം അനുയോജ്യമാണെന്ന് കുട്ടികളെ കൊണ്ട് ചർച്ചക്ക് വിധേയമാക്കി. ശേഷം നിരന്തരമായി നടക്കുന്ന  സമകാലിക വിഷയങ്ങളെ ആസ്പദമാക്കി നീതിനിർവഹണവും നീതിന്യായ വ്യവസ്ഥയെയും കുറിച്ച് കുട്ടികളുടെ അഭിപ്രായം രേഖപ്പെടുത്തി കൊണ്ട് വരണം എന്ന് തുടർപ്രവർത്തനവും നൽകി

നല്ല ക്ലാസ്സ്‌ ആയിരുന്നു എന്നാണ് കുട്ടികൾ അഭിപ്രായപ്പെട്ടത്. ഒരു കുട്ടി ആയിരുന്നു ക്ലാസ്സിൽ ഉണ്ടായിരുന്നത്.

Peer evaluation

ഇന്ന് മിനിയാണ് ക്ലാസ് ആദ്യം എടുത്തത്.കൃത്യം 8.30 യ്ക്ക് തന്നെ ക്ലാസ് ആരംഭിച്ചു.പ്രാരംഭ സംഭാഷണത്തിനു ശേഷം   പുന്താനത്തിന്റെ  ,ജ്ഞാനപ്പാന എന്ന കൃതിയിൽ നിന്നും നാല് വരികൾ പ്രദർശിപ്പിച്ചു. ആശയവും വ്യക്തമാക്കി കൊടുത്ത ശേഷം സമാന ആശയം ഉള്ള കാവ്യ ഭാഗത്തെ വരികൾ കണ്ടെത്തുവാൻ പറഞ്ഞു.രണ്ടാമത്തെ പ്രവർത്തനമായി കൊടുത്തത് കൃതിയുടെ സമകാലിക പ്രസക്തി ചർച്ച ചെയ്യാനാണ്.തുടർ പ്രവർത്തനമായി നൽകിയത് ഏതെങ്കിലും ഒരു സാമൂഹിക വിഷയത്തെ ആധാരമാക്കി തുള്ളൽ പാട്ട് തയ്യാറാക്കുക . 9.10 മണിക്ക് ക്ലാസ് അവസാനിച്ചു. മിനിയുടെ ഇന്നത്തെ ക്ലാസ്സ്‌ മുൻ ക്ലാസുകളെ അപേക്ഷിച്ചു വളരെ നല്ലതായിരുന്നു എന്ന് ഗ്രൂപ്പിളെ മാറ്റങ്ങൾ അഭിപ്രായപെട്ടു.

 ഇന്ന് രണ്ടാമത്തെ ക്ലാസ് എടുത്തത്  അനുശ്രീ സി എസ്  ആയിരുന്നു. കൃത്യം 9 10 ന് എന്റെ ക്ലാസ് ആരംഭിച്ചു. ജോർജ്ജ് ഓണക്കൂറിന് ഭൂമിയുടെ സ്വപ്നം എന്ന പാഠമാണ് അനുശ്രീ  എടുത്ത് . തുടർ പ്രവർത്തനാവരണത്തോടെയാണ് ക്ലാസ് ആരംഭിച്ചത്. തുടർ പ്രവർത്തനത്തിൽ ആവശ്യമായ കൂട്ടിച്ചേർക്കലുകൾ കുട്ടികളോട് നിർദ്ദേശിച്ചു. തുടർന്ന് ഉണ്ണി ജീവിച്ചിരുന്ന കാലഘട്ടത്തിലെ സാമൂഹിക വ്യവസ്ഥിതിയെ പറ്റി ചർച്ച ചെയ്തു. ഒപ്പം ഭൂമിയുടെ സ്വപ്നം എന്ന പാഠഭാഗത്ത് കടന്നുവരുന്ന ഗ്രാമീണ സൗന്ദര്യത്തെ പറ്റി ചർച്ച ചെയ്തു. ഒപ്പം ആകാശം എന്ന ബിംബത്തിന്റെ സജീവമായ സാന്നിധ്യത്തെ പറ്റിയും ചർച്ച ചെയ്തു. കൃത്യം 9. 40 ന് അനുശ്രീയുടെ  ക്ലാസ് അവസാനിച്ചു. ക്ലാസിലെ ഒരു പോരായ്മ ഗ്രൂപ്പ് അംഗങ്ങൾ ചൂണ്ടിക്കാണിച്ചത് ആകാശം എന്ന് ബിംബം കടന്നുവരുന്ന വിവിധ സാഹചര്യങ്ങൾ കൂടി സൂചിപ്പിക്കണമായിരുന്നു എന്നതാണ്. വളരെ നല്ല ക്ലാസെടുക്കാൻ അനുസരിച്ച് സാധിച്ചു.

 

 ഇന്ന് കൃത്യം 9.45 നാണ് ശരണ്യയുടെ ക്ലാസ്സ്‌ ആരംഭിച്ചത്.  നഗരത്തിൽ ഒരു യക്ഷൻ എന്ന പാഠഭാഗത്തിന്റെ നാലാം ദിവസത്തെ പ്രവർത്തനങ്ങൾ ആണ് ഇന്ന് നടന്നത്. സൗഹൃദ സംഭാഷണത്തിനു . ശേഷം  കുട്ടികളെ കൊണ്ട് ഒരു വട്ടം പാഠവായന നടത്തി.  തുടർപ്രവർത്തനമായി നൽകിയ ചോദ്യം ക്ലാസ്സിൽ ചർച്ച ചെയ്തു. ശേഷം അഴമേറിയ ആശയം ഉൾപ്പെടുന്ന പാഠഭാഗത്തിലെ ചില പ്രസക്ത ഭാഗങ്ങൾ പ്രത്യേകമായി അവതരിപ്പിച്ചു അവയുടെ പിന്നിലുള്ള ആശയം കുട്ടികളെക്കൊണ്ട് തന്നെ പറയിപ്പിക്കാൻ ശ്രമിച്ചു. അധ്യാപികയും വേണ്ട കൂട്ടിച്ചേർക്കലുകൾ നടത്തി. ദാമ്പത്യ ബന്ധത്തത്തിലെ ചില മുഹൂർത്തങ്ങൾ ആണ് കവിതയുടെ പ്രധാന പ്രമേയം. അതുകൊണ്ട് തന്നെ ഇതേ പ്രമേയം കടന്നുവരുന്ന മലയാളത്തിലെ മറ്റു കവിതകളെ കൂടി ചർച്ച നടത്തി . ഒപ്പം വൈലോപ്പിള്ളിയുടെ കണ്ണീർ പാടം എന്ന കവിത ആലപിച്ചു. പ്രധാന ആശയങ്ങൾ കൂടി ചർച്ച ചെയ്തു. നഗരത്തിൽ ഒരു യക്ഷൻ എന്ന പാഠഭാഗത്തിന് പ്രസ്തുത കവിതയുമായുള്ള ബന്ധം കുട്ടികളെ കൊണ്ട് പറയിപ്പിച്ചു. പാഠഭാഗത്തിൽ വിരഹാവസ്ഥക്ക് വളരെയധികം പ്രാധാന്യം ഉള്ളതിനാൽ വിരഹം എന്നത് കൊണ്ട് അർഥമാക്കുന്നത് എന്താണെന്നു കുട്ടികളെ കൊണ്ട് പറയിപ്പിച്ചു 10.15 നു ക്ലാസ്സ്‌ അവസാനിച്ചു. കഴിഞ്ഞ ക്ലാസ്സിന്റെ അത്ര നിലവാരം ഇന്നത്തെ ക്ലാസ്സിനുണ്ടായില്ലെങ്കിലും നല്ലൊരു ക്ലാസ് തന്നെയായിരുന്നു ഇന്നത്തേത്.

റീഫ്ലക്റ്റീവ് ജേർണൽ -18

അവലോകനം-18

       ഫേസ് ടു ഫേസ് ഓൺലൈൻ ടീച്ചിങ് പ്രാക്ടിസിന്റെ 8 ആം ദിവസമായ ഇന്ന് 9.30മുതൽ ആയിരുന്നു എന്റെ ക്ലാസ്സ്‌ . പാവങ്ങൾ എന്ന പാഠം ആയിരുന്നു എടുത്തത് കഴിഞ്ഞദിവസം  ക്ലാസ്സിൽ പഠിപ്പിച്ചത്  ചോദിച്ചു കൊണ്ടാണ് ക്ലാസ്സ്‌ ആരംഭിച്ചത് .തുടർന്ന് പാഠം വായിച്ച് ആശയം വ്യക്തമാക്കി . അതിന് ശേഷം ആശയം കൂടുതൽ വ്യക്തമാക്കേണ്ട ഭാഗങ്ങൾ വിശദീകരിച്ചു .മെത്രാന് ഴാങ് വാൽ ഴാങ്ങിനോടുള്ള സമീപനം എന്തൊക്കെ ആണെന്ന് വ്യക്തമാക്കി. തുടർപ്രവർത്തനമായി നൽകിയത് മലയാളത്തിലെ വിവർത്തന കൃത്കളുടെ പേരും അതിന്റെ രചിതാവ്, വിവർത്തനം ചെയ്ത സാഹിത്യകാരൻ കൃതിയുടെ സംഗ്രഹം എന്നിവ ശേഖരിച്ച് ഒരു ആൽബം തയ്യാറാക്കുവാൻ പറഞ്ഞു. ഇന്ന് ക്ലാസ്സിൽ മൂന്നു കുട്ടികൾ ഉണ്ടായിരുന്നു.

ക്ലാസ്സ്‌ നിരീക്ഷിച്ചു കൊണ്ട് ഗ്രൂപ്പിലെ മറ്റംഗങ്ങൾ അഭിപ്രായപ്പെട്ടത് ശബ്ദത്തിൽ അവ്യക്തത നിലനിന്നിരുന്നു എന്നും കുട്ടികളുമായി കുറച്ചു കൂടി ഇന്ററക്റ്റീവ് ആകാമായിരുന്നു എന്നും തുടർപ്രവർത്തനം കുറച്ചു കൂടി മെച്ചപ്പെടുത്താമായിരുന്നു എന്നുമാണ് കഴിഞ്ഞ ക്ലാസ്സിനെ അപേക്ഷിച്ചു കുറച്ചു കൂടി മെച്ചപ്പെടുത്താമായിരുന്നു എന്നും പറഞ്ഞു.

Peer evaluation

രാവിലത്തെ ക്ലാസ്സ് കൈകാര്യം ചെയ്തത് അനുശ്രീ ആയിരുന്നു. എട്ടരയ്ക്ക് തന്നെ അനുശ്രീയുടെ ക്ലാസ് ആരംഭിച്ചു. രണ്ടു കുട്ടികൾ ഉണ്ടായിരുന്നു അനുശ്രീയുടെ ക്ലാസിൽ. ജോർജ് ഓണക്കൂറിന്റെ ഭൂമിയുടെ സ്വപ്നം എന്ന പാഠം ആണ് അനുശ്രീ എടുത്തത് . കഴിഞ്ഞ ക്ലാസ്സിൽ ഒരു ഓർമ്മ പുതുക്കലോടെയാണ് ഇന്ന് ക്ലാസ്സ്‌  ആരംഭിച്ചത്. തുടർന്ന് തുടർ പ്രവർത്തനം അവതരണം നടന്നു.തുടർന്ന് പാഠത്തിലേക്ക് ആഴത്തിൽ കടക്കുന്നതിനായി അമ്മയും മകനും തമ്മിലുള്ള ആത്മബന്ധത്തിന്റെ തലങ്ങൾ വിശകലനം ചെയ്യാനുള്ള ഒരു പ്രവർത്തനം നൽകി. തുടർന്ന് പാഠഭാഗത്തിൽ നിന്നും കുട്ടികൾ കണ്ടെത്തിയ ആശയങ്ങൾ അവതരിപ്പിച്ചു കൊണ്ട് . കൃത്യം 9 മണിക്ക് ക്ലാസ് അവസാനിച്ചു. ക്ലാസിലെ ഒരു പോരായ്മയായിമറ്റ് അംഗങ്ങൾ ചൂണ്ടിക്കാണിച്ചത് ക്ലാസിന് ദൈർഘ്യം അല്പം കൂടിപ്പോയി എന്നതാണ്.

         ഇന്ന് കൃത്യം 9.10 നു ശരണ്യയുടെ ക്ലാസ്സ്‌ ആരംഭിച്ചു. ഒൻപതാം തരത്തിലേ നഗരത്തിൽ ഒരു യക്ഷൻ എന്ന പാഠഭാഗത്തിന്റെ മൂന്നാം ദിവസം ആയിരുന്നു ഇന്ന്. തുടർപ്രവർത്താനാവതരണം ആണ് ആദ്യം നടന്നത്. കവിതയിലെ നായകൻ അനുഭവിക്കുന്ന വിരഹദുഃഖം ഉൾക്കൊണ്ടുകൊണ്ട് അദ്ദേഹം ഭാര്യക്ക് എഴുതാൻ ഇടയുള്ള കത്ത് തയ്യാറാക്കുക എന്നതായിരുന്നു പ്രവർത്തനം.  ശേഷം ശരണ്യ അവയെ വിലയിരുത്തി.  കവിതയുടെ ഓരോ വരികളും സൂക്ഷ്മമായി വായിച്ചു നൽകി അവയുടെ അർഥം കുട്ടികളെക്കൊണ്ട് കണ്ടെത്തിക്കാനും ഒപ്പം കൂടുതൽ വിശദീകരണം നടത്താനും ശരണ്യ  ശ്രമിച്ചു. കവിതയുടെ മുഴുവൻ ആശയവും വിശദീകരണം നടത്തിയാണ് ക്ലാസ്സ്‌ അവസാനിച്ചത്.9.40 നാണ് ക്ലാസ്സ്‌ അവസാനിച്ചത്.

         ശരണ്യയുടെ ക്ലാസ്സിൽ 2കുട്ടികൾ ഉണ്ടായിരുന്നു. സാമാന്യം ഭേദപ്പെട്ട ക്ലാസ്സ്‌ ആയിരുന്നു ശരണ്യയുടേത്.

       

      ഇന്ന് 10.30യ്ക്കാണ് മിനി ക്ലാസ് എടുത്തത്. കിട്ടും പണമെങ്കിലിപ്പോൾ ,എന്ന കവിതയുടെ സൂക്ഷ്മ പഠനമാണ് നടന്നത്. . കവിത വായിച്ച് ആശയം വ്യക്തമാക്കി.  അറിയാത്ത പദങ്ങളുടെ അർഥങ്ങൾ പറഞ്ഞു തരുകയും സ്വീകരണം വേണ്ടവർക്ക് വിശദീകരണം നൽകുവാനും മിനി പ്രത്യേകം ശ്രദ്ധിച്ചിരുന്നു.അവസാനത്തെ പ്രവർത്തനമായി നൽകിയത്  പാഠഭാഗത്ത് പരാമർശിക്കുന്ന സമകാലിക പ്രസക്തി ഉള്ള വിഷയങ്ങൾ ഏതൊക്കെ ,എന്നതായിരുന്നു.കവിതയ്ക്ക് ഒരു ആസ്വാദന കുറിപ്പ് തയ്യാറാക്കാനായി തുടർ പ്രവർത്തനവും നൽകി.11 മണിയോടെ ക്ലാസ് അവസാനിപ്പിച്ചു.

      ഒരു കുട്ടി ആയിരുന്നു ക്ലാസ്സിൽ ഉണ്ടായിരുന്നത്. മിനിയുടെ പഴയ ക്ലാസുകളെ അപേക്ഷിച്ച് ക്ലാസ് ആയിരുന്നു ഇന്നത്തെത് എന്ന് ഗ്രൂപ്പിലെ മറ്റംഗങ്ങൾ എന്ന് അഭിപ്രായപ്പെട്ടു.

റീഫ്ലക്റ്റീവ് ജേർണൽ -17

അവലോകനം -17

ഇന്ന് ഗ്രീഷ്മയുടെ ക്ലാസ്സ് 9.38 മുതൽ ആയിരുന്നു. 'പാവങ്ങൾ' എന്ന കഥയുടെ വിശദപഠനം ആയിരുന്നു നടന്നത്.  അദ്ധ്യാപികയും  പാഠം  വായിച്ച് അതിലെ  വാക്യങ്ങളേയും  സന്ദർഭങ്ങളെയും  വിശദീകരിച്ചു കൊടുക്കുകയും.  ചെയ്തു ഒരു കുട്ടി മാത്രമായിരുന്നു ക്ലാസിൽ ഉണ്ടായിരുന്നുവെങ്കിലും ഗ്രൂപ്പിലെ മറ്റ് അംഗങ്ങൾ കൂടി ക്ലാസിൽ പങ്കുചേർന്നു. ഴാങ് വാൽ ഴാങ് മോഷണത്തിന് വേണ്ടി മെത്രാന്റെ മേടയിലേക്ക് കടക്കുന്നതും തുടർന്ന്  ഉണ്ടാകുന്ന സംഭവവികാസങ്ങളുമാണ് ഇന്ന് ക്ലാസ്സിൽ എടുത്തത്.

 ക്ലാസ് നിരീക്ഷിച്ചുകൊണ്ട് ഗ്രൂപ്പിലെ മറ്റംഗങ്ങൾ അഭിപ്രായപ്പെട്ടത്,വായനയിൽ കുറച്ചുകൂടി കൃത്യതയും വ്യക്തതയും പാലിക്കാമായിരുന്നുവെന്നും, ചർച്ചയിൽ  കുട്ടികൾക്ക് കുറച്ചുകൂടി  പ്രാധാന്യം നൽകാമായിരുന്നു എന്നുമാണ് . ഇന്നത്തെ ക്ലാസിന്റെ  മേന്മ ആയി  ചൂണ്ടിക്കാട്ടിയത് കഥയിലെ സൂക്ഷ്മാംശങ്ങൾ വരെ വിശദമാക്കി തന്നു എന്നാണ്

 

 Peer evaluation

  ഓൺലൈൻ ടീച്ചിങ്ങിന്റെ മൂന്നാം ദിവസമായ ഇന്ന് അനുശ്രീ സി എസ്  ആണ് ക്ലാസ്സ്‌ എടുത്തത് 8.30 നു ക്ലാസ്സ്‌ ആരംഭിച്ചു ഭൂമിയുടെ സ്വപനം എന്ന പാഠം ഓടിപ്പിക്കുകയും ചെറിയ ചോദ്യങ്ങൾ ചോദിച്ചു കുട്ടികൾ പാഠം എത്ര മനസിലാക്കി എന്ന് കണ്ടെത്തിയ ശേഷം ക്ലാസ്സിൽ ചോദ്യോത്തര പറട്ടു നടത്തി കുട്ടികളുടെ ഭാഗത്തു നിന്നും നല്ല പ്രതികരണം ഉണ്ടായിരുന്നു. ഇന്നത്തെ ക്ലാസ്സ്‌ നല്ല ക്ലാസ്സ്‌ ആയിരുന്നു എന്ന് ഗ്രൂപ്പിലെ മറ്റംഗങ്ങൾ അഭിപ്രായപെട്ടു.9.10നായിരുന്നു ക്ലാസ്സ്‌ അവസാനിച്ചത്.

ഇന്ന് കൃത്യം 9.10നാണ്  ശരണ്യയുടെ ക്ലാസ്സ്‌ ആരംഭിച്ചത് .  നഗരത്തിൽ ഒരു യക്ഷൻ എന്ന പാഠഭാഗത്തിന്റെ രണ്ടാമത്തെ ക്ലാസ്സ്‌ ആയിരുന്നു ഇന്ന്. കഴിഞ്ഞ ക്ലാസ്സിൽ നടന്ന പ്രാരംഭ പ്രവർത്തനങ്ങളെക്കുറിച്ച് ഓർമപുതുക്കിക്കൊണ്ടായിരുന്നു ക്ലാസ്സ്‌ ആരംഭിച്ചത്. ശേഷം അധ്യാപിക തന്നെ പാഠഭാഗം വായന നടത്തി. ആദ്യ വായനയിൽ തന്നെ ഉൾകൊണ്ട ആശയം കുട്ടികളോട് പറയുവാൻ ആവശ്യപ്പെട്ടു. പൂർണമായും മനസിലാക്കാൻ സാധിച്ചില്ലെങ്കിലും കുട്ടികൾ ഉൾകൊണ്ട കാര്യങ്ങൾ ക്ലാസ്സിൽ അവതരിപ്പിച്ചു. ശേഷം ചില ലഘുവായ ചോദ്യങ്ങൾ അധ്യാപിക ചോദിക്കുകയും പാഠഭാഗം വായിച്ച് കുട്ടികൾ തന്നെ അതിന്റെ ഉത്തരം കണ്ടെത്തുകയും ചെയ്തു. ജി ശങ്കരകുറുപ്പിന്റെ 'എന്റെ വേളി' എന്ന കവിതയിലെ " വിരഹത്തിലല്ലാതെ ലാവണ്യം സമഗ്രമായി

നിരവദ്യമായിട്ട് കാണുവാൻ കഴിവീല " എന്ന വരികൾ കുട്ടികൾക്ക് മുന്നിൽ അവതരിപ്പിച്ചു. ശേഷം വരികളിൽ തെളിയുന്ന ആശയം വിവരിച്ചു. അത് നഗരത്തിൽ ഒരു യക്ഷൻ എന്ന പാഠഭാഗവുമായി കൂട്ടി വായിച്ചു താരതമ്യം നടത്തി. എത്തിച്ചുകൊണ്ട് ക്ലാസ്സ്‌ അവസാനിച്ചു.നല്ല ക്ലാസ്സ്‌ ആയിരുന്നു എന്ന് ഗ്രൂപ്പിലെ മറ്റംഗങ്ങൾ പറഞ്ഞു.

      ഇന്നത്തെ അവസാനത്തെ ക്ലാസ്സ്‌ മിനിയുടേതായിരുന്നു. കിട്ടും പണമെങ്കിൽ ഇപ്പോൾ എന്ന പാഠം വായിച്ചു അതിന്റെ ആശയങ്ങൾ ആണ് ഇന്ന് പറഞ്ഞത്.ആദ്യം പാഠം കുട്ടികളെ കൊണ്ട് വായിപ്പിച്ചു . ഓരോ വരികളുടെയും അർഥം പറഞ്ഞു തന്നു. കഴിഞ്ഞ ദിവസത്തേതിനെ അപേക്ഷിച്ചു ക്ലാസ്സ്‌ മെച്ചപ്പെടനുണ്ടായിരുന്നു എന്ന് ക്ലാസ്സിലെ മറ്റങ്കങ്ങൾ അഭിപ്രായപ്പെട്ടു.

റിഫ്ലക്റ്റീവ് ജേർണൽ-16

അവലോകനം-16

ഓൺലൈൻ ടീച്ചിങ്ങിന്റെ മൂന്നാമത്തെ പീരിയഡ് ഗ്രീഷ്മ എം ജെ ആണ് ക്ലാസ്സ്‌ എടുത്തത്. പത്താംക്ലാസ്സിലെ അടിസ്ഥാനപാഠാവലിയിലെ ഒന്നാമത്തെ ഏകകമായ കാലതീതം കാവ്യം വിസ്മയം എന്നതിലെ വിക്ടർ യുഗോയുടെ പാവങ്ങൾ എന്ന നോവലിന്റെ നാലപ്പാട്ട് നാരായണൻ നടത്തിയ വിവർത്തനമായിരുന്നു പഠിപ്പിച്ചത്. പാഠത്തിലേക്കു കടക്കുന്നതിനു മുൻപ് മലയാളത്തിലെ പ്രശസ്ത സാഹിത്യ കാരന്മാരുടെ ചിത്രങ്ങൾ പരിചയപ്പെടുത്തി അവർ എന്തുകൊണ്ടാണ് പ്രശസ്തരായത് എന്ന് പറഞ്ഞതിന് ശേഷം ഏകകത്തിലേക്കു കടന്നു. ഏകകത്തിന്റെ പേര് പരിചയപ്പെടുത്തി. സച്ചിദാനന്ദന്റെ 'കവിയുടെ ഭാഷ 'എന്ന കവിത പരിചയപ്പെടുത്തി  കൊണ്ട് പ്രാരംഭ വരികളുടെ അർത്ഥം പറഞ്ഞു തന്നു. അതിന് ശേഷം ഏകകത്തിലെ മറ്റുപാഠങ്ങളെ കുറിച്ച് സൂചിപ്പിച്ച ശേഷം പാവങ്ങൾ എന്ന നോവലിനെ കുറിച്ച് പറഞ്ഞു. തുടർപ്രവർത്തനമായി പാഠം വായിച്ചു കൊണ്ട് വരണം എന്ന് പറഞ്ഞു.ഗ്രുപ്പിലെ മറ്റംഗങ്ങൾ ക്ലാസ്സ്‌ വിശകലനം ചെയ്തു കൊണ്ട് ഏകകത്തിലെ മറ്റ് പാഠങ്ങളെ പരിചയപ്പെടുത്തിയത് കുറക്കമായിരുന്നു എന്നും. ദുഷ്യന്തന് പകരം ദുർവാസവിന്റെ പേര് പറഞ്ഞതും പോരായ്മആയി ചൂണ്ടി കാട്ടി. സാമാന്യം നല്ല ക്ലാസ്സ്‌ എടുക്കാൻ ഇന്ന് സാധിച്ചു.

 പിയർ ഇവാലുവേഷൻ

  

       ഇന്ന് ആദ്യം ക്ലാസ് കൈകാര്യം ചെയ്തത് അനുശ്രീ സി എസ് ആയിരുന്നു . ജോർജ് ഓണക്കൂറിന്റെ പ്രണയ താഴ്‌വരയിലെ ദേവദാരു എന്ന നോവലിലെ കുറച്ചു ഭാഗമായ ഭൂമിയുടെ സ്വപ്നം എന്ന പാഠമാണ് അനുശ്രീ  എടുത്തത് . അമ്മയും കുഞ്ഞും തമ്മിലുള്ള ആത്മബന്ധത്തെ  സൂചിപ്പിക്കുന്ന ഒരു വീഡിയോ പ്രദർശിപ്പിച്ചു. തുടർന്ന് ഇന്ത്യയെ സേവിച്ച അബ്ദുൽകലാം, ജവഹർലാൽ നെഹ്റു, ഗാന്ധിജി തുടങ്ങിയവരുടെ ചിത്രങ്ങളും അവരുടെ അമ്മമാരുടെ ചിത്രവും പ്രദർശിപ്പിച്ചുകൊണ്ട് ചർച്ച നടത്തി. ചർച്ചയിലൂടെ ഭൂമിയുടെ സ്വപ്നം എന്ന പാഠഭാഗത്തിലേക്ക് കടക്കുകയും ചെയ്തു. ഒപ്പം പ്രണയ താഴ് വരയിലെ ദേവദാരു എന്ന നോവലിനെ പറ്റി സൂചിപ്പിക്കുകയും ചെയ്തു. കൃത്യം 9 മണിക്ക് അനുശ്രീയുടെ  ക്ലാസ് അവസാനിച്ചു. ക്ലാസിലെ ഒരു പോരായ്മ ആയി ഗ്രൂപ്പിലെ  മറ്റംഗങ്ങൾ ചൂണ്ടിക്കാട്ടിയത് പാഠത്തിന്റെ കേന്ദ്രം ആയിട്ടുള്ള ജൻ മിത്വ വ്യവസ്ഥയെ  പറ്റി തുടക്കത്തിൽ വിശദീകരിക്കേണ്ടതില്ല  എന്നയിരുന്നു.

       രണ്ടാമതായി   ശരണ്യയുടെ ക്ലാസ്സ്‌ ആയിരുന്നു . ഒൻപതാം തരത്തിലേ മനുഷ്യകഥാനുഗായികൾ എന്ന ഏകകത്തിലെ നഗരത്തിൽ ഒരു യക്ഷൻ എന്ന കവിത ആയിരുന്നു പാഠഭാഗം. പ്രാരംഭ പ്രവർത്തനങ്ങൾ ആണ് ഇന്ന് നടന്നത്. ദാമ്പത്യ ജീവിതത്തിലെ അവിസ്മരണീയമായ മുഹൂർത്തങ്ങൾ ഭാര്യയുടെ ആഭാവത്തിൽ തിരിച്ചറിയുന്ന കഥനായകനെ  ആണ് കവിതയിൽ  അവതരിപ്പിക്കുന്നത്. ഇതിനു മുന്നോടിയായി ചായക്കടയിലെ ചെറിയ വരുമാനം കൊണ്ട് ലോകം ചുറ്റിക്കറങ്ങുന്ന പത്ര മാധ്യമങ്ങളിൽ ഒക്കെ ഇടം നേടിയ വൃദ്ധ ദമ്പതികളുടെ ഒരു വീഡിയോ കുട്ടികൾക്ക് മുന്നിൽ പ്രദർശിപ്പിച്ചു. ശേഷം കവിതയുടെ ശീർഷകത്തെ സംബന്ധിച്ച ചർച്ച നടന്നു. യക്ഷൻ എന്നത് കാളിദാസന്റെ മേഘസന്ദേശത്തിലെ നായകൻ ആണ്. അതുകൊണ്ട് തന്നെ സന്ദേശം കാവ്യങ്ങൾ എന്താണെന്നും മേഘസന്ദേശത്തിന്റെ ഇതിവൃത്തവും ലാളിതമായി കുട്ടികൾക്ക് പറഞ്ഞു നൽകി  പാഠത്തിലെക്ക് കൊണ്ടുവന്നു. ശേഷം പാഠഭാഗം കുട്ടികളെ കൊണ്ട് വായന നടത്തി. ഒരിക്കൽ കൂടി പാഠഭാഗം വായിച്ച് വരുവാൻ ആവശ്യപ്പെട്ടുകൊണ്ട് കൃത്യം 9.30 നു ക്ലാസ്സ്‌ അവസാനിപ്പിച്ചു.കുട്ടികൾക്ക് ഇടപെടാനുള്ള അവസരം പൊതുവെ കുറവായിരുന്നു എന്നൊരു പോരായ്മ ഗ്രൂപ്പ്‌ അംഗങ്ങൾ അഭിപ്രായപ്പെട്ടു.

    നാലാമതായി ക്ലാസ്സ്‌ എടുത്തത് മിനി ആയിരുന്നു. കിട്ടും പണമെങ്കിൽ ഇപ്പോൾ എന്ന പാഠം ആണെടുത്തത്. കുഞ്ചൻ നമ്പ്യാരെ കുറിച്ചും അദ്ദേഹത്തിന്റെ കൃതികളെക്കുറിച്ചും  തുള്ളലുകളെ  കുറിച്ചും തുള്ളലിന്റെ  സവിശേഷതകളെക്കുറിച്ചും അടങ്ങിയ 10 മിനിറ്റിലധികം ദൈർഘ്യമുള്ള ഒരു വീഡിയോ ആണ് മിനി അവതരിപ്പിച്ചത്.  അതിനുശേഷം ആ വീഡിയോയെ മുൻനിർത്തി തുള്ളൽ പ്രസ്ഥാനത്തെക്കുറിച്ചും നമ്പ്യാരെ കുറിച്ചും വിശദമായി പറഞ്ഞു തന്നു.

    മിനിയുടെ ക്ലാസ്സിൽ ഇന്ന് കുട്ടികൾ ആരും ഉണ്ടായിരുന്നില്ല.  ക്ലാസിലെ ഒരു പോരായ്മയായി ഗ്രൂപ്പിലെ മറ്റംഗങ്ങൾ ചൂണ്ടിക്കാണിച്ചത്. ദൈർഘ്യമേറിയ ആ വീഡിയോയുടെ അവതരണമായിരുന്നു.