ക്ലാസ്സ്‌ -9
കേരള പാഠവലി
അധ്യായം 1- നിന്നെത്തേടുവതേതൊരു ഭാവന

             പാഠഭാഗത്തേക്കു  അധ്യാപിക നേരിട്ട് കടക്കുകയാണ്. തലകെട്ടിന്റെ ഔചിത്യവും അതിന്റെ അർഥവും വ്യക്തമാക്കുന്നു. ഒപ്പം കാലാതിവർത്തിയായ സൗന്ദര്യത്തിനു അധ്യാപിക ഒരു നിർവചനം കണ്ടെത്തുകയും റൂസ്സോ, ഗാന്ധിജി, വൈലോപ്പിള്ളി  എന്നിവർ സൗന്ദര്യത്തെ  കുറിച്ച് പറഞ്ഞത് കുട്ടികൾക്ക് പരിചയപ്പെടുത്തി കൊടുക്കുന്നു. സൗന്ദര്യ ഉപാസകനായ പി. കുഞ്ഞിരാമൻ നായരുടെ പാഠാരംഭത്തിലെ നാല് വാരി കവിത ചൊല്ലി കൊടുക്കുന്നു. കവിതയുടെ അർഥം പറഞ്ഞു കൊടുക്കുന്നതിനോടൊപ്പം തന്നെ മുൻവർഷം പഠിച്ച കുഞ്ഞിരാമൻ നായരുടെ കവിതയായ കളിയച്ഛൻ ജനിക്കുന്നു എന്ന കവിതയെ ഓർമിപ്പിക്കാനും  ശ്രമിച്ചു.

ആദ്യ പാഠപ്രവർത്തനം
    കവിതയുടെ  ആശയം പറഞ്ഞു കൊടുത്തതിനു ശേഷം കുട്ടികൾ സ്വയം ആ ആശയം ബുക്കിൽ കുറിക്കുവാൻ പറയുന്നു.
     
       
          സൗന്ദര്യം എന്താണെന്നും, കുട്ടികളിലേക്ക് ആ സൗന്ദര്യലഹരി പടർത്തുന്നതിനും വേണ്ടി ചങ്ങമ്പുഴയുടെ രമണനിലെ കവിത ചൊല്ലി കൊടുക്കുകയും ഒപ്പം ബാഷ്പാഞ്ജലിയിലെ കാവ്യ ഭാഗം കുട്ടികൾക്ക് അവതരിപ്പിച്ചു കൊടുക്കുകയും ചെയ്തു. ആ കവിതയുടെ ഒരു വാങ്മയ ചിത്രം കുട്ടികളിലേക്ക്  എത്തിക്കുവാൻ ആ അധ്യാപികക്ക് കഴിഞ്ഞു. പ്രപഞ്ച സൗന്ദര്യം കവിയെ ലഹരി പിടിപ്പിച്ചത് പോലെ  തന്നെ ഒരു സൗന്ദര്യ നിരീക്ഷണത്തിലേക്ക്  സൗന്ദര്യ ആസ്വാദനത്തിലേക്ക്  കുട്ടികളെ ഈ പാഠഭാഗവതരണം  നയിച്ചു എന്ന് പറയാം

പഠനപ്രവർത്തനം 2
  കവി പശ്ചിമാംമ്പരത്തെ പനിനീർപൂന്തോട്ടമായി സങ്കൽപ്പിച്ചത് എന്തുകൊണ്ട്?


 അധ്യാപികക്ക് പാഠാരംഭത്തിൽ  അല്പം പരിഭ്രമം ഉണ്ടായിരുന്നുവെങ്കിലും പിന്നീട്  അതിനെ മറികടക്കുവാൻ സാധിച്ചു. കൂടാതെ പ്രവേശനഗാനം താളാത്മകമായി ചൊല്ലാമായിരുന്നു .കുശലാന്വേഷണങ്ങൾ ഒന്നും കൂടാതെ നേരിട്ട് പാഠത്തിലേക്ക് കടന്നത് കൊണ്ട് കുട്ടികൾക്ക് അല്പം താല്പര്യ കുറവുണ്ടാക്കാം